Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.119 | Dem. 19.121 (English) | >>Dem. 19.124 |
19.120καὶ τίς μου καταμαρτυρεῖ , φήσει , δῶρα λαβεῖν ; τοῦτο γάρ ἐστι τὸ λαμπρόν . τὰ πράγματʼ , Αἰσχίνη , ἅπερ πιστότατʼ ἐστὶν ἁπάντων , καὶ οὐκ ἔνεστʼ εἰπεῖν οὐδʼ αἰτιάσασθαι ὡς ἢ πεπεισμένʼ ἢ χαριζόμενά τῴ ἐστι τοιαῦτα , ἀλλʼ οἷάπερ αὐτὰ προδοὺς καὶ διαφθείρας σὺ πεποίηκας , τοιαῦτʼ ἐξεταζόμενα φαίνεται . πρὸς δὲ τοῖς πράγμασιν αὐτὸς αὐτίκα δὴ σὺ σαυτοῦ . ἀπόκριναι γὰρ δεῦρʼ ἀναστάς μοι . οὐ γὰρ δὴ διʼ ἀπειρίαν γʼ οὐ φήσεις ἔχειν ὅ τι εἴπῃς · ὃς γὰρ ἀγῶνας καινοὺς ὥσπερ δράματα , καὶ τούτους ἀμαρτύρους , πρὸς διαμεμετρημένην τὴν ἡμέραν αἱρεῖς διώκων , δῆλον ὅτι πάνδεινος εἶ τις .
πολλῶν τοίνυν καὶ δεινῶν ὄντων τῶν πεπραγμένων Αἰσχίνῃ τουτῳί , καὶ πολλὴν κακίαν ἐχόντων , ὡς καὶ ὑμῖν οἴομαι δοκεῖν , οὐδέν ἐστιν οὗ μέλλω λέγειν , ὡς ἐγὼ κρίνω , δεινότερον , οὐδʼ ὅ τι μᾶλλον ἐπʼ αὐτοφώρῳ δεδωροδοκηκότʼ αὐτὸν καὶ πεπρακότα πάντʼ ἐξελέγξει . ἐπειδὴ γὰρ ἀπεστέλλετʼ αὖθις αὖ τὸ τρίτον τοὺς πρέσβεις ὡς τὸν Φίλιππον , ἐπὶ ταῖς καλαῖς καὶ μεγάλαις ἐλπίσι ταύταις αἷς οὗτος ὑπέσχητο , ἐχειροτονήσατε καὶ τοῦτον κἀμὲ καὶ τῶν ἄλλων τοὺς πλείστους τοὺς αὐτούς .
19.122ἐγὼ μὲν δὴ παρελθὼν ἐξωμοσάμην εὐθέως , καὶ θορυβούντων τινῶν καὶ κελευόντων βαδίζειν οὐκ ἂν ἔφην ἐλθεῖν · οὗτος δʼ ἐκεχειροτόνητο . ἐπειδὴ δʼ ἀνέστη μετὰ ταῦθʼ ἡ ἐκκλησία , συνελθόντες ἐβουλεύονθʼ οὗτοι τίνʼ αὐτοῦ καταλείψουσιν . ἔτι γὰρ τῶν πραγμάτων ὄντων μετεώρων καὶ τοῦ μέλλοντος ἀδήλου , σύλλογοι καὶ λόγοι παντοδαποὶ κατὰ τὴν ἀγορὰν ἐγίγνοντο τότε ·
19.121
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.119 | Dem. 19.121 (English) | >>Dem. 19.124 |